أنا هتون منصوري.
درست تصميم ازياء و نسيج بالجامعة، وكنت متأكدة إني بشتغل بهالمجال بعد التخرج. الحياة أخذتني بطريق ثاني و اشتغلت بالتجزئة، وحاليًا مديرة منطقة في براند بيوتي عالمي، أدير فريق ومحلات. بس الشغف اللي درسته ما راح، بس اختفى شوي بين زحمة الشغل لين قررت أرجعله في 2024 .
بدأت البراند تحت اسم "هتونزي". بعد أربع أشهر حسيت إن هالاسم والهوية ما يشبهوني. مو غلطة، بس كانت بداية لسا ما لقيت فيها نفسي. رجعت مع فريق مبدع وطلعنا بـ هوية جديدة بعد 9 شهور "هتون هاني", حتى اللوقو له قصة: حرف الـH مبني على أعمدة ترمز للثبات والقوة، وفي النص انحناءة ناعمة ترمز للأنوثة. اخترنا هالتفصيل لأنه يلخص كيف أشوف كل امرأة: قوية بس ما تفقد نعومتها.
كل كوليكشن يطلع بعد أشهر لأن كل قطعة مبنية على قصة حقيقية عشتها. عبق مثلاً مبني على ذكرياتي بالطائف وريحة الورد هناك , القماش والألوان ومكان التصوير كلها اختيارات مقصودة عشان توصل نفس الإحساس. وعشان كل كوليكشن قصة مختلفة، ما راح يكون في قطعتين يشبهو بعض.
هدفي من هتون هاني إنه يكون اختيارك في أي لحظة تبين فيها تحسين إنك أنتِ, في أول يوم دوام، اجتماع مهم، أو خرجة مع صديقاتك. قطعة تعبر عن قوتك واستقلاليتك وأنوثتك مع بعض.
رؤيتي:
أكون جزء من قصتك، في اللحظة اللي تبين فيها تحسين إنك أنتِ, قوية ومستقلة وناعمة بنفس الوقت.
قيمنا:
هتون هاني مو بس عباية أشتغل عليها، هي جزء مني. وكل وحدة اشترت قطعة صارت جزء من القصة.
هتون منصوري
